Katica Janeva nuk ka paraqitur ndryshim të pasurisë që kur është në krye të PSP-së

Pothuajse katër vjet si kryetare e Prokurorisë Speciale Publike, Katica Janeva nuk ka raportuar ndonjë ndryshim të gjendjes së pasurisë së saj. Prokurorja nga Gjevgjela e cila u shpërngul në Shkup në 2015, ndërsa tani është pjesë e aferës “Haraçi”, nuk as kursime, as nuk shtuar ndonjë gjë.

I vetmi ndryshim në gjendjen e pronës të deklaruar nga Komisioni për Antikorrupsion ishte muajin e kaluar. Më 13 qershor, Janeva dha informacione se ka ndryshim në pasurinë e fëmijëve, gjegjësisht është blerë një Audi A6 Quattro, konfirmojnë për “IRL” nga Komisioni.

Janeva nuk ka paraqitur marrëveshjen e blerjes së veturës, siç është në përputhje me ligjin, por shtoi se vetura u prodhua në vitin 2005 dhe vlen 6.000 euro. Ky ndryshim është vërejtur në listën e pronave në faqen e internetit të Komisionit për Antikorrupsion .

Pasurinë të cilën e ka paraqitur në vitin 2015 kur edhe erdhi në detyrë, Janeva shihej se kishte shumë kredi. Në vitin 2014 dhe 2015, ka ngritur tre kredi në vlerë prej 118.000 eurosh për një periudhë kthimi prej 15 deri në 20 vjet. Janeva nuk ka banesë në Shkup. Por ka disa llogari bankare në të cilat ka gjithsej 107.000 euro. Ka shtëpi në Gjevgjeli, tokë bujqësore në fshatin Mrzenci, një parcelë në fshatrat Konsko dhe Roverin e Vjetër dhe Golf 4. Ajo ka edhe pagë prej rreth 3.000 euro në PSP./Telegrafi/