Kampioni olimpik dhe i botës përfundoi me urgjencë në spital

Kampioni italian Gianmarco Tamberi pësoi probleme të rënda shëndetësore para paraqitjes së tij në Lojërat Olimpike në Paris dhe u desh të shtrohej në spital.

32-vjeçari është shtruar në spital dhe dyshohet se ka probleme me gurët në veshka. Tamberi fitoi medaljen e artë së bashku me Mutaz Barshimin nga Katari tri vite më parë dhe me ambicie të mëdha e priste paraqitjen në Paris.

Mirëpo ai në rrjetet sociale ka postuar foto nga shtrati i spitalit dhe pamja e tij në IAP nuk është e sigurt.

“E pabesueshme… Kjo nuk mund të jetë e vërtetë. Ndjeva një dhimbje të mprehtë. CT, ekografi, analiza gjaku. Ndoshta një gur në veshka. Dhe tani, tri ditë para ngjarjes për të cilën sakrifikova gjithçka, jam shtrirë në shtrat, i pafuqishëm me temperaturë 38,8 gradë Celsius”, shkruan kërcyesi së larti, i cili tashmë duhej të humbiste Lojërat Olimpike në Rio de Zhaneiro në vitin 2016 për shkak të një lëndimi.

Tamberi zbuloi se ai ishte ende në vendin e tij dhe duhej të anulonte fluturimin për në Paris të hënën.

“Unë supozohet të jem në rrugën time drejt një ëndrre të madhe, përkundrazi më kanë këshilluar të shtyj udhëtimin tim me shpresën se me pak pushim, ky makth do të marrë fund. Por një gjë është e sigurt. Nuk e di si, por do të arrij atje, do të jem dhe do të jap do të bëj më të mirën deri në kërcimin e fundit, sido që të jetë situata”, ka shkruar ai.

Ndryshe, kualifikimet e kërcimit së larti do të zhvillohen të mërkurën, ndërsa finalet janë planifikuar të dielën.

Kampioni olimpik dhe ai botëror pati fat të keq tashmë në hapjen e lojërave, kur, duke valëvitur flamurin në varkë, humbi unazën e martesës në lumin Seine dhe i kërkoi falje gruas së tij për këtë.

Tamberi konsiderohet si një nga yjet e mëdhenj të atletikës, pasi mund të mburret me titullin e kampionit olimpik dhe të dyfishtë të botës dhe katër herë kampion evropian. Ai ka nëntë medalje nga garat më të mëdha (përveç shtatë medaljeve të sipërpërmendura, një të argjendtë nga evropiani dhe një të bronztë nga kampionati botëror), dhe është dy herë fitues i Ligës së Diamantit. /Telegrafi/

View this post on Instagram

A post shared by HALFSHAVE (@gianmarcotamberi)