Kampi Pranveror në BONEVET Prishtina – një eksperiencë unike për fëmijët që duan të krijojnë dhe eksplorojnë në fushat STEAM

Pranvera vjen me mundësi të reja për fëmijët e moshës 5-7 dhe 8-10 vjeç, të cilët këtë pushim pranveror (07-11 prill, 2025) do të kenë mundësinë të bëhen pjesë e Kampit Pranveror të organizuar nga BONEVET Prishtina.

Ky kamp ofron një përvojë të pasur edukative dhe argëtuese, duke kombinuar kreativitetin, teknologjinë dhe punën ekipore në një ambient të sigurt dhe frymëzues.

Çfarë ofron Kampi Pranveror?

Gjatë pesë ditëve intensive (nga ora 08:30 deri në 16:00), fëmijët do të eksplorojnë botën e robotikës, inxhinierisë dhe zgjidhjes së problemeve përmes aktiviteteve praktike dhe interaktive.

Programi është i ndërtuar në mënyrë të tillë që të balancojë mësimin, lojën dhe eksplorimin, duke krijuar një përvojë ku fëmijët jo vetëm mësojnë, por edhe argëtohen.

Aktivitetet kryesore përfshijnë:

✨ Eksplorimin e robotikës – nga njohja e komponentëve bazë deri te programimi

🎨 Angazhimin në sfida krijuese, ku fëmijët përdorin imagjinatën për të ndërtuar
projekte unike.

🧩 Pjesëmarrjen në punë ekipore, duke nxitur bashkëpunimin dhe komunikimin.

🎭 Prezantimin e projekteve dhe ndarjen e ideve, duke zhvilluar aftësitë e të menduarit kritik dhe vetëbesimit.

Më shumë se një kamp – një përvojë që frymëzon!

Kampi nuk është vetëm një hapësirë për të mësuar rreth teknologjisë, por edhe një mundësi që fëmijët të zbulojnë talentet e tyre, të ndërtojnë vetëbesimin dhe të zhvillojnë aftësitë sociale.

Përveç aktiviteteve edukative, fëmijët do të kenë edhe mundësinë të shijojnë ushqime të shëndetshme dhe të ekuilibruara, duke siguruar energji për një ditë plot angazhim dhe kreativitet.

Gjithashtu, gjatë kampit do të organizohen vizita dhe eksperienca të veçanta, duke u dhënë fëmijëve mundësinë të shohin nga afër aplikimin e teknologjisë në jetën e përditshme dhe në industri të ndryshme.

Si të regjistroni fëmijën tuaj?

Regjistrimi për Kampin Pranveror të BONEVET Prishtina tashmë është i hapur. Numri i vendeve është i kufizuar, prandaj inkurajojmë të gjithë prindërit të sigurojnë vendin e fëmijës së tyre sa më shpejt.

Për më shumë informata dhe për të bërë regjistrimin, mund të na kontaktoni përmes:

📧 Email: prishtina@bonevet.org 📞 Telefon: +383 49 187 781.

Mos e humbisni këtë mundësi për t’i dhuruar fëmijës suaj një përvojë të paharrueshme, ku të mësuarit dhe argëtimi bëhen një.