Mesfushori i Real Madridit, Federico Valverde ka folur në një konferencë për media para finales së Superkupës së Spanjës ndaj Barcelonës mbrëmjen e së dielës.
Reprezentuesi uruguaian foli për disa çështje të ndryshme, që nga forma e skuadrës, paraqitjet e tij individuale dhe tema të tjera.
“Nesër kemi një tjetër finale shume të rëndësishme. Është titulli i parë i këtij viti, ne po bëjmë shumë mirë pas disa muajve të fundit dhe nesër kemi një mundësi të mirë për të fituar besim”.
“Të gjitha ndeshjet si titullar? Unë jam i lumtur që vazhdojë të luajë si titullar. Jam shumë i lumtur që kam besimin e trajnerit. Për mua është një gëzim i jashtëzakonshëm që luajë për Real Madridin. Është një nder dhe unë do të kem kohë të pushojë në korrik”.
“Si u rikuperova pas Mallorcas? Gjëja më e rëndësishme është të pushosh. Jam larg fëmijëve të mi kështu që mund të pushojë më shumë. Ne kemi fizioterapeutët dhe doktorët që bëjnë gjithçka që ne të jemi mirë”, ka thënë Valverde.
“Nëse fitojmë nesër mendoj se ne vazhdojmë të dëshmojmë se jemi klubi më i mirë në botë sepse në fund të sezonit ne jemi gjithmonë ata që fitojmë tituj”.
“Ka shumë dëshirë për hakmarrje pas humbjes 4-0. Ishte e vështirë të flija atë ditë sepse nuk e prisnim të humbnim kështu”.
“Ajo na dha shumë dëshirë dhe fuqi për të lëvizur përpara dhe të bëhemi skuadra që jemi sot”, përfundoi ai./Telegrafi/