Juventusi e ka mposhtur Barcelonën në Camp Nou me rezultat 3-0 në kuadër të javës së fundit të fazës së grupeve të Ligës së Kampionëve.
Me këtë fitore të thellë Juventusi ia rrëmben edhe pozitën e parë, fal fitores më të thellë si mysafir, pasi Barca e kishte mposhtur në ndeshjen e parë 3-0.
Të dy klubet kanë kaluar tutje, duke tubuar nga 15 pikë në grupin e tyre.
Zonja e Vjetër e ka nisur shumë mirë ndeshjen, duke fituar penallti që në minutën e 11-të.
Ronaldo depërton në zonë, pengohet nga një mbrojtës katalanas dhe gjyqtari vendos për penallti.
Ishte vetë Cristiano Ronaldo që u ktheu në gol penalltinë për 1-0.
Se Juventusi kishte ardhur të fitonte tregon edhe aksioni në minutën e 20-të kur rezultati shkoi në 2-0 .
Një kombinim i bukur mes Juan Cuadrados dhe Ëeston McKennie, ku ky i fundit me një goditje akrobatike shënoi një gol shumë të bukur.
Weston McKennie, what a finish ??? pic.twitter.com/s9fqslKa0Y
— Future USMNT (@FutureUsmnt) December 8, 2020
Barcelona kishte dy raste të mira në këtë pjesëlojë me Lionel Messin, por që në të dyja rastet Gigi Buffon ishte në vend.
Në pjesën e dytë, Juve sërish e nisi furishëm.
Ne minutën e 50-të mbrojtësi Clement Lenglet luajti me dot në zonë dhe gjyqtari akordoi penallti pasi shikoi videon në VAR.
Ronaldo sërish ishte i saktë për 3-0 nga pika e bardhë në minutën e 52-të.
Barcelona kishte dy raste të mira me Antoine Griezmann dhe Messin, por pa sukses, pasi njëri goditi jashtë, ndërsa gjuajtjen e argjentinasit e priti Buffon.
Në minutën e 75-të Juventusi e gjeti edhe golin e katërt me Leonardo Bonuccin, por pas rishikimit të VAR, ai u anulua për pozitë jashtë lojës.
Në minutat e fundit Barcelona ishte e tëra në sulm, por që edhe përkundër gjysmë rasteve nuk arritën të shënonin.
Juventusi e mbyll si lider grupin me 15 pikë, aq sa Barcelona, që ka po kaq pikë.
/Telegrafi/
