Finalja e Kupës së Italisë mes Atalantas dhe Juventusit, doli të jetë shumë e bukur, ku në fund ‘Zonja e Vjetër’ iu gëzua trofeut duke fituar me rezultat 2-1.
Atalanta e nisi më mirë me dy raste para portës me Duvan Zapatan, por pa sukses, ku njërin prej tyre e priti Gigi Buffon.
Juventusi në rastin e parë të mirë gjeti golin, ku Dejan Kulusevski me një goditje të bukur shënoi për 1-0 në minutën e 31-të.
Por Atalanta nuk u dorëzua dhe vazhdoi me sulme, duke patur edhe sukses.
Goli i barazimit erdhi në minutën e 41-të kur Hans Hateboer pasoi te Ruslan Malisnkvski i cili me një gjuajtje të fortë shënoi për 1-1.
Me këtë rezultat u mbyll pjesa e parë që ishte me një tempo të lartë nga të dy skuadrat.
Zonja e Vjetër ishte më e mirë në pjesën e dytë, pasi rrezikoi disa herë.
Fillimisht rrezoi Kulusevski, i cili me një goditje të fortë nga afër nuk arriti të kalojë Pierluigi Gollinin.
Pas tij rrezikoi edhe Chiesa pas një kombinimi shumë të bukur me Cristiano Ronaldon, por gjuajtja e italianit qëlloi shtyllën.
Por goli i shumëpritur dhe i kërkuar për Zonjën e Vjetër erdhi në minutën e 73-të, kur Kulusevski pasoi bukur te Chiesa i cili shënoi për 2-1.
Pas golit Atalanta u fut në presion dhe nuk arriti të krijojë diçka të rrezikshme.
Juventusi në fund fitoi Kupën e Italisë, që është e 14-të histori të klubit. /Telegrafi/
