Juventusi e pëson nga ndeshjet ndërkombëtare, Dybala dhe Bernardeschi kthehen të dëmtuar

Paulo Dybala dhe Federico Bernardeschi, do të rikthehen me dëmtime te Juventusi pas ndeshjeve ndërkombëtare me Argjentinën dhe Italinë.

Sulmuesi i Juventusit, Paulo Dybala ka një problem muskulor dhe nuk do të jetë i disponueshëm kur Argjentina të përballet me Brazilin në kualifikueset e Kupës së Botës.

Sulmuesi i Argjentinës ka luftuar me një shqetësim muskulor pasi mbrojtësi i Uruguait, Joaquin Piquerez e goditi në këmbën e majtë.

Sipas Sky Sport Italia kthimi i tij në Torino është planifikuar për nesër në mbrëmje.

Ai do të vlerësohet nga stafi mjekësor i Juventusit, për të kuptuar nëse sulmuesi do të jetë i disponueshëm për ndeshjen e radhës kundër Lazios në Serie A.

Në anën tjetër Federico Bernardeschi do të jetë jashtë fushës për të paktën disa javë pasi mjekët e Juventusit e diagnostikuan atë me një tendosje në ijë.

Le ultime dal #TrainingCenter e le condizioni di @fbernardeschi ??

— JuventusFC (@juventusfc) November 16, 2021

Ai pati një problem muskulor dhe u kthye në Torino për analiza mëngjesin e sotëm.

Një deklaratë nga klubi konfirmon se lojtari do të jetë jashtë fushës për të paktën disa javë. /Telegrafi/