Juventusi arrin marrëveshje me Berardin

Juventusi thuhet ka një marrëveshje me sulmuesin e Sassuolos, Domenico Berardi, edhe pse një marrëveshje zyrtare mes dy klubeve ende nuk është arritur.

Sipas La Gazzetta dello Sport, Juventusi është i përgatitur t’i ofrojë 29-vjeçarit një kontratë katërvjeçare në mënyrë që ta josh atë të largohet nga “Mapei”.

Berardi dhe ekipi i tij besohet se po shtyjnë për një transferim në Allianz Stadium dhe tani janë duke pritur që Cristiano Giuntoli të bëjë një qasje zyrtare me Sassuolon.

Pothuajse saktësisht një vit më parë, Berardi nënshkroi një marrëveshje të re me Sassuolon deri në verën e vitit 2027, e cila erdhi me një rritje të konsiderueshme page nga 1.8 milionë euro në vit në rreth tre milionë euro.

Lexo po ashtu Juventusi i bashkohet garës për Berardin, italiani shihet si zëvendësues i Di Marias

Ylli italian vlerësohet midis 25 dhe 30 milionë euro dhe besohet se Juventus do të shtyjë për një marrëveshje fillestare huazimi me një opsion ose detyrim të mundshëm blerje.

Për të ulur koston e operacionit, Juventusi gjithashtu shpreson të përfshijë një nga të rinjtë e tyre duke lëvizur në drejtimin tjetër.

Samuel Iling-Junior dhe Matias Soule janë sugjeruar si lojtarë që mund të kalojnë te Sassuolo, megjithëse anglezi thuhet se është më tërheqës për klubi Neroverdi. /Telegrafi/