Jordi Alba: Barcelona synon të fitojë në Bernabeu dhe të luftojë për La Ligan

Jordi Alba ka folur për situatën e tij personale në Barcelonë dhe në ekipin kombëtar dhe ka diskutuar sesi skuadra e tij po i afrohet El Clasico të sotme (e diel) në Santiago Bernabeu .

Mbrojtësi i majtë ka thënë se skuadra e Xavi Hernandezit po shkon në ndeshjen kundër Real Madridit me synimin për të fituar dhe sfiduar për titullin e La Ligës.

“Synimi ynë është që të shkojmë në Bernabeu për të fituar dhe për të vazhduar të luftojmë për La Ligën”, ka thënë fillimisht Jordi Alba.

“El Clasico do të përcaktojë pjesën tjetër të sezonit”.

Lexo po ashtu Aubameyang: El Clasico është ndeshja më e madhe në botë

“Ardhja e Xavit si trajner ishte një lajm fantastik për zhveshtoren. Ai e njeh klubin nga brenda, në të mirë dhe në të keq, dhe kjo të jep shumë besim”.

“Ndjenja përreth vendit është më e mirë tani. E shoh motivimin tek shokët e skuadrës dhe te tifozët”.

IT IS TIME. #ELCLÁSICO pic.twitter.com/isUDQYhXat

— FC Barcelona (@FCBarcelona) March 20, 2022

Alba gjithashtu foli edhe për Kupën e Botës “Katar 2022 me Spanjën.

“Do të jetë Botërori im i fundit. Po vij në një moment shumë të mirë dhe shpresoj të jem në listën e trajnerëve dhe të përpiqem të fitoj një Botëror tjetër”.

Spanjolli shpreson që sa më shumë nga bashkëlojtarët e tij të jenë pjesë e kombëtares për “Katar 2022”, ashtu siç ndodhi kur Spanja fitoi turneun më 2010.

“Si tifoz i Barcelonës, shpresoj që nga këtu të vijnë sa më shumë lojtarë, si në ato ditë kur të gjithë ishin shumë të mirë. Ka njerëz këtu me një të ardhme shumë të mirë. Është kënaqësi të shikosh lojtarë si Gavi dhe Pedri”.

Lexo po ashtu Xavi para El Clasicos: Ndeshje e veçantë dhe e vështirë, por i duam tri pikët

Së fundi, Alba pranoi se dita që do të dalë përfundimisht në pension do të jetë e vështirë, por se për momentin ndihet mirë.

“Ndihem mirë. Përpiqem të kujdesem për veten. Kam shumë vite në nivelin elitar dhe mund të vazhdoj të përmirësohem në shumë aspekte të jetës sime”.

“Do të jetë e vështirë kur të vijë dita. Kam ende një rrugë të gjatë për të bërë”, përfundoi mbrojtësi spanjoll. /Telegrafi/