Joao Felix synon ta fitoj Ligën e Kampionëve me Barcelonën

Joao Felix ka kompletuar huazimin te Barcelona nga Atletico Madrid.

Sulmuesi portugez do të qëndroj për një edicion te klubi katalunas, por Barça nuk e ka të drejtën e blerjes së tij.

Megjithatë ai është prezantuar sot te Barcelona, teksa shihej mjaftë i lumtur që më në fund ëndrra e tij u bë realitet për t’iu bashkuar katalunasve.

I shoqëruar nga presidenti Joan Laporta, sulmuesi ishte shumë i emocionuar për bashkimin me klubin e Barçës dhe theksoi se qëllimi i tij kryesor është fitimi i Ligës së Kampionëve.

Lexo po ashtu Zyrtare: Barcelona prezanton Joao Felixin

“Të gjithë e dinë se sa i lumtur jam. Unë kam punuar për të qenë në këtë klub. Është një ëndërr e fëmijërisë, kam ardhur këtu për të ndihmuar dhe shpresoj se do të jetë një sezon i mrekullueshëm”.

“Është diçka unike, është diçka që e kam kërkuar për një kohë të gjatë. Kur më treguan për interesimin e Barcelonës, u gëzova shumë”.

Lexo po ashtu Barcelona prezanton dy goditjet e mëdha të ditës së fundit të afatit kalimtar

“Kam parë Barçën që kur isha fëmijë dhe gjithmonë kemi qenë tifozë të kësaj skuadre, e kishim atë ëndërr dhe ja ku jam. Luftoj gjithmonë për të fituar trofe”.

“Liga e Kampionëve  ka qenë gjithmonë trofeu i ëndrrave të mia, por ne po ecim pak nga pak. Do të përpiqemi ta fitojmë atë”, deklaroi Joao Felix. /Telegrafi/