Joachim Low i lumtur që Gjermania gjendet në “grupin e vdekjes” në Euro 2020 

Trajneri i Gjermanisë Joachim Low nuk kishte dyshim se Grupi F ishte “grupi i vdekjes” pas shortit të së shtunës në Euro 2020, por ishte çuditërisht i lumtur për shortin e skuadrës së tij.

Pasditen e së shtunës në Bukuresht të Rumanisë u hedh shorti i grupeve për Euro 2020, ku Grupi F ishte i vdekjes, i përbërë nga Gjermania, Franca, Portugalia dhe fituesi i Ligës A të Kombeve, ku mund të jetë Islanda, Rumania, Bullgaria ose Hungaria.

Trajneri i Gjermanisë, Low ishte i entuziazmuar që morën mundësinë për të luajtur kundër Francës dhe Portugalisë.

Lexo po ashtu Të gjitha grupet e Euro 2020 - Grupi F cilësohet si i 'vdekjes'

“Në fillim ndjej gëzim sepse këto janë ndeshje të shkëlqyera kundër Francës dhe Portugalisë. Ne luajmë kundër kampionëve botërorë dhe kampionëve evropianë”, ka thënë fillimisht trajneri i Gjermanisë.

“Mendoj se lojtarët gjithashtu presin me padurim këto ndeshje”.

“Sigurisht që është një grup i vdekjes. Të gjithë në këtë grup duhet të shkojnë deri në kufijtë e tyre nëse duan të kalojnë grupin”.

“Mendoj se këto ndeshje do të jenë festivale futbolli. Pastaj do të luajmë edhe në Gjermani. Unë mezi po pres këto takime”, përfundoi Low. /Telegrafi/