Jep dorëheqje ministrja izraelite e Informacionit, Galit Distel-Atbaryan

Ministrja e Informacionit e Izraelit, Galit Distel-Atbaryan ka ofruar dorëheqjen nga posti i saj.

Sipas mediave të huaja, përcjell Telegrafi, ajo është ankuar se ministria e saj “u zhvesh” së fundmi nga kompetencat edhe ashtu të pakta që iu dhanë kur u formua në fillim të vitit.

Në një postim të gjatë në Twitter, Distel Atbaryan thotë se këtë javë, qeveria autorizoi Ministrinë e Çështjeve të Diasporës për të drejtuar diplomacinë publike të Izraelit jashtë vendit së bashku me punën e Ministrisë së Jashtme, duke e bërë ministrinë e saj “një shpenzues kot të parave publike”.

בתחילת השבוע, ראש מערך ההסברה החליט למנות את משרד התפוצות לאחראי על פעילות ההסברה של מדינת ישראל בזירה הבינלאומית לצד הפעילות השוטפת של משרד החוץ.
אני מכבדת את ההחלטה הזאת.

למשרד התפוצות יש הרבה יותר משאבים, כוח אדם, סמכויות ויחידות סמך מאשר למשרד ההסברה שקיבל את התקציב הראשוני…

— Galit Distel Atbaryan – גלית דיסטל אטבריאן (@GalitDistel) October 12, 2023

Ndryshe, vënë në pah mediat, shumë reporterë dhe vëzhgues kanë vërejtur gjatë gjithë këtij viti se ministria e Distel-Atbaryan nuk kishte kompetenca reale, me ministrinë që përbëhej vetëm nga zyra e ministrit.

Madje, ajo u përpoq dhe dështoi disa herë për të emëruar një drejtor të përgjithshëm të ministrisë, dhe jo vetëm. /Telegrafi/