Serge Gnabry padyshim ka qenë futbollisti i javës në Evropë, pas paraqitjes mbresëlënëse në Ligën e Kampionëve ndaj Tottenham Hotspur.
Ylli gjerman realizoi katër gola në fitoren e thellë të Bayernit 2-7 tek Spurs.
Pas ndeshjes kur bavarezët po festonin pranë tifozëve të tyre, ishte mesfushori spanjoll Javi Martinez që e shutoi topin e Gnabryt në drejtim të tifozëve.
Kjo gjë nuk i pëlqeu aspak Gnabryt, por natyrisht që e mori me sportivitet.
Gjithsesi tifozët e Bayernit ia kthyen topin heroit të tyre.
Serge Gnabry wanted the match ball after he scored four.
No-one told Javi Martinez ? pic.twitter.com/YS067BrbPY
— B/R Football (@brfootball) October 1, 2019
Gnabry e ka marrë topin me vete në Gjermani dhe atë ia kanë nënshkruar të gjithë futbollistët e Bayernit.
Por spanjolli Javi Martinez nuk e ka lënë rehat anësorin gjerman.
Martinez e ka gjetur topin e Gnabryt dhe përsëri ia ‘ka humbur’.
Mesfushori spanjoll pasi e ka gjetur topin e Gnabryt në zhveshtore ka dalë në fushën stërvitore dhe e ka shutuar atë.
Të gjithë këtë ngjarje Martinez i ka bërë një video duke e postuar në rrjetet sociale dhe duke e tallë bashkëlojtarin e tij.
Gjithsesi shakaja e spanjollit me gjermanin është pritur mirë nga tifozët bavarezë. /Telegrafi/
