Java është shënuar me ngjarje të ndryshme si në sferën e politikës, drejtësisë dhe të riteve fetare. Kështu, disa nga seancat plenare nuk janë mbajtur në mungesë të kuorumit në Kuvend, ndërsa ditët e punës po përmbyllen me festën e Fitër Bajramit.
Manifestimi qendror për festën e Fitër – Bajramit për Republikën e Kosovës u mbajt në Xhaminë e Madhe në Prishtinë, i cili filloi në orën 5:05, me faljen e namazit të sabahut, pas të cilit u mbajt ligjërata tematike kushtuar kësaj feste nga teologu, Muhamed ef. Stublla.
Për të sjell tek ju freskinë dhe festën e ditës së sotme, Telegrafi ka përzgjedhur një nga shumë fotografitë e veçanta të shkrepura nga fotoreporteri, Ridvan Slivova.
Falja e namazit të Fitër – Bajramit /Foto: Ridvan Slivova
Fotoreporteri i Telegrafit po ashtu ka arritur të kap momentin e "dëshpërimit" të kryeparlamentarit, Glauk Konjufca pasi nuk u arrit të mbahet seanca plenare në mungesë të kuorumit edhe pasi u tentua dy herë. Dhe pas kësaj Konjufca ishte i ashpër, madje tha se legjislatura aktuale nuk e meriton të vazhdojë, për shkak të sjelljeve të papërgjegjshme të deputetëve.
Kryeparlamentari, Glauk Konjufca pasi Kuvendi i Kosovës nuk arriti të mbajë seancën plenare në mungesë të kuorumit /Foto: Ridvan Slivova/
Po ashtu, të mërkurën me urdhër të Prokurorisë Speciale të Kosovës është arrestuar Nagip Krasniqi – kryeshef ekzekutiv i KEK-ut, nën dyshimin se i njëjti ka kryer tri vepra penale. Krasniqit i është dhënë një muaj paraburgim.
Pamje nga hetues të Departamentit të Krimeve Ekonomike pas bastisjes së zyrave të Korporatës Energjetike të Kosovës (KEK) /Foto: Ridvan Slivova/
Më 14 prill u shënua “Dita e të Mbijetuarve të Dhunës Seksuale gjatë luftës së fundit në Kosovë”, përmes një marshi në sheshet e Prishtinës.
Marsh në mbështetje të të mbijetuarve të dhunës seksuale gjatë luftës në Kosovë /Foto: Ridvan Slivova/
Marsh në mbështetje të të mbijetuarve të dhunës seksuale gjatë luftës në Kosovë /Foto: Ridvan Slivova/
