Të gjithë janë duke e pritur me padurim duelin mes Francës dhe Marokut në gjysmëfinale të Kampionatit Botëror – sidomos pas parashikimit që ka bërë një udhëtar i vetëshpallur në kohë.
Të dy përfaqësueset do të takohen në një përballje gjysmëfinale të mërkurën, me fituesin që siguron një vend në finale.
Kampionia e botës, Franca është favorite e padiskutueshme për këtë duel, pasi mposhti Anglinë të shtunën mbrëma, ndërsa Maroku shokoi edhe Portugalinë, pas Spanjës.
Maroku ka fituar zemrat e tifozëve neutralë, pasi ata u bënë kombi i parë afrikan që arriti në fazën gjysmëfinale.
Në një video magjepsëse të një përdoruesi në TikTok, “fifatime_traveller” tregon pamje nga e ardhmja që pretendon të tregojë se çfarë do të ndodhë në këtë duel.
"Unë jam një udhëtar në kohë dhe Maroku mposht Francën!!!", thotë ky përdorues në rrjetin social.
Lojtarët marokenë janë parë duke festuar 'golin e tyre të fitores' para tifozëve të tyre të ngazëllyer, ndërsa ka pamje edhe nga ekipi i dëshpëruar francez dhe mbështetësve të tyre në lot. /Telegrafi/
