Ivan Rakitic largohet nga Barcelona me falënderime të shumta dhe me plot trofe

Ivan Rakitic i ka dhënë lamtumirën klubit të Barcelonës, aty ku fitoi gjithçka çfarë mund të fitojë një futbollist.

Ai do të kthehet te Sevilla, aty nga ky erdhi te Barcelona, ndërsa ka falënderuar blaugranat për këto vite kaq të bukura në karrierën e tij.

“Unë mendoj se kush më njeh e di përpjekjen që kam bërë në Barcelonë. Unë jetoj me futboll 24 orë në ditë, madje edhe me familjen time. Unë e kam dashur futbollin që kur isha 4 vjeç”.

?❤️ Thank you, @ivanrakitic ??? pic.twitter.com/KEDvjm6G2b

— FC Barcelona (@FCBarcelona) September 2, 2020

“Unë jam ndjerë si në shtëpi këtu për gjashtë vjet. Unë dhe familja ime jemi ndjerë gjithmonë spektakolarë, i gjithë qyteti ishte i mahnitshëm dhe njerëzit na dhanë ngrohtësinë”.

“Momentet më të mira? Kanë qenë kaq shumë, por nëse duhet të zgjedh një do të thosha finalen e Ligës së Kampionëve në Berlin”.

Thank you, @IvanRakitic, for your commitment and dedication. You’ve been a fundamental part of the successes of the last several years, and a example of professionalism. You will always have a home in Barcelona and at Barça. pic.twitter.com/Te2MXEPodZ

— Josep Maria Bartomeu (@jmbartomeu) September 2, 2020

“Personalisht, mendoj se viti i parafundit ishte viti im më i mirë. Më pëlqente më shumë dhe ndjeva se kisha një rol të rëndësishëm në ekip”.

“Messi? Çdo lojtar merr vendimet e veta”.

“I uroj fat Barças. Barça është shtëpia ime dhe të luash këtu ka qenë një përvojë unike. Nëse shënoj kundër Barcelonës nuk do të festoj”, ka thënë Rakitic në konferencë lamtumirëse të tij. /Telegrafi/