Italia fut në karantinë mbi 16 milionë njerëz, Milano një qytet i zbrazët pasi coronavirusi ka goditur këtë vend

Autoritetet shëndetësore në territorin e Kinës sot raportuan 44 raste të reja të konfirmuara të infeksionit coronavirus të COVID-19, dukshëm më pak se një ditë më parë, kur kishte 99, me më shumë se 105,000 të infektuar në të gjithë botën.

Numri i përgjithshëm i rasteve të konfirmuara të infeksionit në Kinë sot arrin në 80.695.

Qeveria italiane ka vendosur të mbyllë Lombardinë dhe 14 provinca të tjera, transmeton Telegrafi. Vetëm ata që kanë ndonjë rast urgjent u lejohet të dalin nga shtëpitë e tyre, pasi këto zona janë të bllokuara dhe ruhen nga forcat e rendit. Vendimi erdhi pasi 36 vdekje të reja u raportuan dje. Në total, 233 njerëz vdiqën nga coronaviruset në Itali.

Një e katërta e popullsisë italiane është në karantinë që nga dje. 

Kjo është një pasojë e hapave drastikë të ndërmarrë nga qeveria italiane në një përpjekje për të frenuar përhapjen e një virusi të ri vdekjeprurës që është përhapur në botë. Italia regjistroi vdekjet më të larta nga sëmundja Covid-19 jashtë Kinës, ku epidemia, e cila deri më tani ka vrarë më shumë se 3.500 njerëz dhe ka infektuar më shumë se 100,000 në të gjithë botën, filloi në dhjetor.

Masat, të cilat po zbatohen deri më 3 prill, ndalojnë njerëzit të hyjnë ose të largohen në zona të mëdha të Italisë veriore pa ndonjë arsye të vlefshme, sipas një dekreti të nënshkruar nga kryeministri dhe botuar në internet. /Telegrafi/