Ishte një modele e re kur shkonte në festat e Diddyt, tani Precious Muir i ka rrëfyer të gjitha

Precious Muir sot është 40 vjeçe dhe është një prezantuese e famshme televizive.

Kur ishte në të 20-at, ajo u transferua në New York. Ajo filloi të merrej me modelingun dhe shumë njerëz e këshilluan që të shkonte në festa ku ka shumë të famshëm për të krijuar lidhje dhe për të bërë rrugën e saj në atë botë.

Edhe pse ishte e mundur të takohesh me shumë njerëz atje, kishte edhe një anë më të errët.

View this post on Instagram

A post shared by Precious Muir (@preciousmuir)

Pas arrestimit të Diddy, prezantuesja e televizionit vendosi të flasë për festat e tij, të cilat sipas saj ishin më të shthururat.

E njëjta thotë se vendimi i saj për të mos përdorur drogë e ka shpëtuar në ato ahengje. Shumë kolege me të cilat shkonte nëpër festa nuk hoqën dorë nga droga dhe tani sipas Precious nuk janë më modele, janë në rehabilitim apo kanë vdekur.

“Kishte shumë vajza që nuk ia dolën. Ata hoqën dorë nga modelingu, shkuan në rehabilitim… Mos konsumimi i drogës më shpëtoi jetën”, tha ajo për Daily Mail.

Precious jetoi në Manhattan për dhjetë vjet dhe punoi si modele. Festat ku ajo shkoi në Amerikë ishin emocionuese për të në fillim.

Ajo mori pjesë në një festë të organizuar nga Combs në vitin 2007. Ai i tha asaj se autobusët ose SUV-të e mbyllura do ta transportonin atë dhe modelet e tjera në festën, e cila ishte plot me të famshëm të ‘listës A’.

View this post on Instagram

A post shared by Precious Muir (@preciousmuir)

Precious hodhi poshtë të gjitha substancat me pamje të dyshimtë. Ish-modelja tha se reperët ishin veçanërisht ‘agresivë’ dhe se sigurimi ndërhyri kur panë se telefoni po përdorej.

“Reperët ishin shumë agresivë për mendimin tim. Të hynin në fytyrë, të kapnin, disa prej tyre më merrnin celularin dhe shkruanin numrin e tyre”, shtoi ajo.

Thotë se beson se disa të ftuar ishin aty vetëm për të përfituar nga modelet dhe vajzat e reja që donin të bëheshin të famshme. /Telegrafi/