Sot, nga njësitë policore të stacionit të Veriut në Prishtinë, është arrestuar një person me inicialet M.S., 28 vjeç, gjatë një kontrolli rutinë.
Gjatë kontrollit tek i dyshuari janë gjetur dhe sekuestruar një sasi e substancave të dyshuara narkotike, një shumë e konsiderueshme parash dhe një thikë.
Pas verifikimeve të mëtejshme, rezultoi se M.S. ishte edhe në kërkim policor.
Me vendim të prokurorit të shtetit, ndaj të dyshuarit është shqiptuar masa e ndalimit për 48 orë, ndërkohë që është hapur rasti për veprat penale: “Blerje, posedim, shpërndarje dhe shitje të paautorizuar të narkotikëve, substancave psikotrope dhe analoge” dhe “Armëmbajtje pa leje”. /Telegrafi/
