Të enjten në mbrëmje në Bahnhofstrasse në Aarau të Zvicrës ishte duke ndodhur një kontroll trafiku.
Policia donte të ndalte në orën 22.30 një Audi A5 të zi - në timonin e të cilit, sipas mediave zvicerane ishte një kosovar.
Por, siç thuhet tutje, në vend se të ndalonte, 30-vjeçari i dha veturës dhe u arratis.
Dhe sipas blick.ch, përcjell Telegrafi, ngjarja nuk përfundoi me kaq.
Para se policia të ishte të ndiqte atë, shoferi shkoi drejt një kryqëzimi dhe pavarësisht dritës së kuqe në semafor, vazhdoi – duke u përplasur me një Mercedes.
Si rezultat, Audi u përplas më tej me një mur.
Sipas të dhënave të mëtejshme, shoferi 19-vjeçar i Mercedes dhe pasagjeri në të mbetën të palënduar.
Siç doli, 30-vjeçari ishte shumë i dehur dhe prokuroria urdhëroi marrjen e një mostre të gjaku dhe të urinës dhe hapi një hetim penal.
Në fund, mediumi zviceran blick.ch shkruan se shuma totale e dëmeve, sipas vlerësimeve fillestare, arrin në rreth 100,000 franga. /Telegrafi/
