Ish-kryeministri japonez kishte pësuar dy plagë me armë zjarri në qafë

Ish-kryeministri Shinzo Abe – kryeministri më jetëgjatë i Japonisë dhe një figurë me ndikim të qëndrueshëm – vdiq pasi u qëllua në një ngjarje të fushatës të premten në një sulm që tronditi një komb ku dhuna politike dhe dhuna me armë është e rrallë.

Siç bëhet e ditur, Abe, 67-vjeçar, u qëllua nga një distancë prej rreth 3 metrash me atë që dukej të ishte një armë zjarri e bërë vetë në qytetin perëndimor të Nara-s, teksa po mbante një fjalim fushate në një vend në ambient të jashtëm për Partinë e tij Liberale Demokratike në pushtet përpara zgjedhjeve të së dielës për dhomën e lartë, transmeton Telegrafi.

Lexo po ashtu Pamje të reja të vrasjes së ish-kryeministrit japonez, njëri nga rojet përpiqet të bllokojë plumbat me çantë

Videoja dhe imazhet nga vendi i ngjarjes treguan ish-kryeministrin duke u rrëzuar përtokë, me gjak në këmishën e tij, pasi u dëgjuan dy shpërthime të forta.

Abe u transportua me helicopter në Spitalin Univeristar Mjekësor Nara, ku nuk kishte shenja vitale pas mbërritjes, tha në një konferencë shtypi Hidetada Fukushima, mjekja që trajtoi Abe-n.

Ish-kryeministri ka pësuar dy plagë me armë zjarri në qafë dhe lëndime në gjoks. Ai u shpall i vdekur në orën 17:03, pak më shumë se pesë orë pasi u qëllua.

Lexo po ashtu Vdes ish-kryeministri japonez, Shinzo Abe

Kryeministri aktual, Fumio Kishida, i cili shërbeu si ministër i Jashtëm nën qeverisjen e Abe-s, denoncoi humbjen e “mikut të tij të mirë” në atë që ai e përshkroi si një akt “barbarie të neveritshme”. /Telegrafi/