Ish-futbollisti i Liverpoolit, Stan Collymore: Çmimi i Van Dijk, një çmenduri absolute

Lajmi se Virgil van Dijk do t’i bashkohet Liverpoolit në janar për 75 milionë funte (84.5 milionë euro), është konsideruar si një çmenduri nga Stan Collymore.

Redsat kanë konfirmuar se kanë arritur marrëveshje me Southamptonin për transferimin e qendërmbrojtësit holandez.

Marrëveshja do të zyrtarizohet pasi të hapet afati kalimtar dimëror, ndërsa mediat kanë spekuluar se Liverpooli do të vë rekord botëror për mbrojtësin më të shtrenjtë.

Southamptoni e bleu Van Dijkun nga Celticu në vitin 2015 për 13 milionë funte (14.6 milionë euro) dhe me shitjen e tij do të përfitojë jashtëzakonisht shumë.

Ish-futbollisti i Liverpoolit, Collymore, është tronditur nga çmimi që është i gatshëm të paguajë klubi anglez.

Lexo po ashtu Liverpooli konfirmon arritjen e marrëveshjes për transferimin e Virgil van Dijk (Foto)

“Një çmenduri absolute”, ka shkruar ai mes tjerash në një postim në Twitter.

£75m

Too much money burning too many big holes in too many pockets.

Even the biggest clubs will be pricing themselves out of the market soon.

Absolute madness.

— Stan Collymore (@StanCollymore) December 27, 2017

Edhe ish-futbollisti i Manchester Unitedit, Gary Neville, ka thënë se është shokuar me këtë çmim.

“Janë shumë para, apo jo? Nuk e kam shikuar Southamptonin së fundmi, por nuk mendoj se ai luan aq mirë”., ka thënë Neville. /Telegrafi/