Inzaghi zbulon se çfarë u tha lojtarëve të Interit në pjesën e parë kundër Benficas

Simone Inzaghi uroi lojtarët e tij pas fitores 1-0 kundër Benficas në Ligën e Kampionëve, por e pranoi se ata bënë disa gabime në pjesën e parë.

Nerazzurrët dominuan kundër kampionëve portugez të mërkurën dhe një gol i Marcus Thuram mjaftoi për të fituar të tre pikët.

“I urova djemtë, mos harroni që u kthyem në mesnatë nga Salerno [të shtunën]”.

“Benfica kishte luajtur një ditë më parë, por djemtë bënë një paraqitje të shkëlqyer dhe unë i përgëzova sepse pashë shumë intensitet në pjesën e dytë. E goditëm shtyllën disa herë, por mbetëm të fokusuar. Mund të kishim qenë më me fat”.

“Tifozët gjithmonë na kanë mbështetur dhe kanë mbështetur skuadrën për 96 minuta”.

“Mos harroni Benfica fitoi ligën sezonin e kaluar, ata arritën në çerekfinale të Ligës së Kampionëve dhe tashmë kanë fituar Superkupën Portugeze këtë sezon”.

Lexo po ashtu Inter i falet golit të Marcus Thuram, mposht minimalisht Benfican

“U thashë djemve të qëndronin në lojë dhe se kishim bërë disa gabime, por paraqitje ishte ende e mirë. Skuadra mbeti e fokusuar dhe kishte një dëshirë të madhe për të fituar”, ka thënë Inzaghi. /Telegrafi/