Inzaghi shpjegon planin e Interit për të mposhtur Liverpoolin

Simone Inzaghi thotë se Interi duhet të shënojë në pjesën e parë kundër Liverpoolit dhe insiston se skuadra e tij meritonte një rezultat më të mirë në ndeshjen e parë.

Nerazzurrët vizitojnë Anfield Road nesër (e martë) në ndeshjen e dytë të fazës së 16-të të Ligës së Kampionëve. Ata humbën 2-0 në Milano tre javë më parë dhe Inzaghi beson se lojtarët e tij meritonin diçka më shumë në ndeshjen e parë kundër gjigantëve të Ligës Premier.

“Rezultati po ndikon tek ne, ne luajtëm një lojë të shkëlqyer dhe rezultati ishte shumë penalizues për ne”, deklaroi trajneri në një konferencë për shtyp.

Lexo po ashtu Fabinho tregon se çfarë duhet të shmang Liverpooli në ndeshjen e dytë me Interin

“Do të jetë një ndeshje e vështirë nesër, por ne kemi një motivim të madh. Është e rëndësishme, do të thosha thelbësore, të shënosh një gol në pjesën e parë, por e dimë që do të jetë një ndeshje shumë e vështirë”.

“Ne e përgatitëm ndeshjen për tre ditë, djemtë janë të fokusuar. Ne përballemi me skuadrën më të mirë në Evropë me Bayern Munich dhe Manchester City. Ishte e mrekullueshme të luajmë ndeshjen e parë në Milano dhe jemi të vetëdijshëm se nesër do të jetë edhe më e vështirë”.

“Interi nuk kishte arritur në këtë fazë të kompeticionit për shumë vite dhe ne e dinim se do të përballeshim me një skuadër më të mirë që do të ishte e dyta në fazën e grupeve. Ne bëmë më të mirën në ndeshjen e parë dhe do të bëjmë të njëjtën gjë nesër”, ka shtuar më tej Inzaghi.

Vigilia di #LiverpoolInter: da Appiano Gentile in diretta la conferenza stampa di Simone Inzaghi e Alessandro Bastoni https://t.co/j9LtVStCr0

— Inter ⭐⭐ (@Inter) March 7, 2022

Mesfushori i Liverpoolit, Fabinho gjithashtu pranoi se fazat e hershme të lojës do të jenë vendimtare nesër pasi Reds duhet të shmangin lejimin e Nerazzurrëve të marrin ndonjë besim.

“Ne duhet të përpiqemi ta vrasim lojën sa më shpejt të jetë e mundur”, tha mesfushori brazilian.

Jurgen Klopp shtoi se Interi nuk do të shkonte në Liverpool si turistë dhe pranoi se ekipi i tij mund të përfitonte nga mungesa e Nicolo Barella. /Telegrafi/