Mesfushori kroat, Marcelo Brozovic duket se po i kalon muajt e fundit si futbollist i Interit.
Reprezentuesi i Kombëtares së Kroacisë ka pasur disa polemika me klubin dhe shpesh herë nuk ka qenë titullar tek Luciano Spalletti.
Por sipas asaj që ka raportuar e përditshmja italiane Tuttosport, Brozovic pritet të nxjerrët në shitje nga Interi.
Klubi zi kaltër ka nevojë për të shitur për t’i përmirësuar bilancet financiare dhe Brozovic mund t’i mbushë arkat e tyre.
Kroati është kërkuar edhe në janar në Ligën Premier me dy skuadrat londineze West Ham dhe Tottenham që e duan atë.
Por për shërbimet e tij ka shfaqur interesim edhe rivali i Interit në Serie A, Roma.
25-vjeçari gjithashtu po monitorohet edhe nga dy skuadrat gjermane RB Leipzig dhe Bayer Leverkusen.
Interi nga shitja e tij po mendon të fitojë rreth 25 milionë euro, ndërsa kontrata aktuale e Brozovic me klubin zi kaltër është valide deri në qershor të vitit 2021. /Telegrafi/
