Interi e konsideron De Gean si pasues të Onanas, Trubin shtyn bashkimin me Nerazzurrët

Interi thuhet se po konsideron të bëjë një ofertë për ish-portierin e Manchester United, David De Gea, ndërsa Anatoliy Trubin po shtyn t’i bashkohet Nerazzurrëve gjatë këtij afati kalimtar.

Raffaele Di Gennaro është aktualisht portieri i vetëm i Interit pasi Andre Onana i është bashkuar Manchester United, ndërsa Samir Handanovic u largua në fund të kontratës së tij më 30 qershor.

Mediumi italian La Gazzetta dello Sport konfirmon se Nerazzurrët po mbajnë një sy te De Gea, i cili së fundmi ka ndërprerë kontratën e tij në Old Trafford dhe është në dispozicion si lojtar i lirë.

Lexo po ashtu Lamtumira emocionuese e Onanas për tifozët e Interit

Portieri i Bayern Munichut, Yann Sommer mbetet objektivi kryesor i Interit për portën, por klauzola e tij prej 6 milionë eurosh thuhet se ka skaduar dhe gjigantët e Serie A nuk duan të investojnë më shumë se 4 milionë euro për nënshkrimin e zviceranit.

Thuhet se Sommer tashmë ka rënë dakord për kushtet personale me Nerazzurrët, por Bayern duket se nuk dëshiron të shesë, duke qenë se Manuel Neuer ‘nuk jep garanci’ në lidhje me aftësinë e tij për sezonin 2023/24.

Portieri i Shakhtar Donetsk, Turbin, mbetet në radarët e Nerazzurrëve, por sipas Gazzetta dello Sport, klubi ukrainas kërkon 20 milionë euro, ndërsa Interi ka ofruar vetëm 10 milionë euro deri më tani.

21-vjeçari ka hedhur disa sugjerime për transferimin në rrjetet sociale gjatë ditëve të fundit dhe i fundit ishte një koment në njoftimin e Manchester United për Onanën të enjten.

Portieri ukrainas përdori ‘emoji’ me sy duke sugjeruar se ai vazhdon të presë pas transferimit të kamerunasit në Old Trafford. /Telegrafi/