Imeri largohet në verë nga Servette, e ardhmja e tij mes Serie A dhe Bundesligas

Kastriot Imeri është njëri nga lojtarët që ka shkëlqyer më së shumti këtë edicion në Superligën e Zvicrës.

Mesfushori nga Kosova ka qenë ndër më të vlerësuarit në kampionatin helvetik, ku ka gjetur edhe golat e asistimet.

Në 28 ndeshje zyrtare me fanellën e Servettes, Imeri ka shënuar 11 gola e ka asistuar në tre të tjerë.

Falë paraqitjeve fantastike me Servetten, Imeri ka zgjuar interesimin e skuadrave të njohura evropiane.

Nice. Genoa e Eintracht Frankfurt e kërkuan në janar, por Servette refuzoi ofertat që i erdhën për yllin e skuadrës.

Mediat në Zvicër dhe Itali kanë raportuar se tani dy skuadrat e mëdha italiane, Torino dhe Fiorentina kanë shprehur interesim për ferizajasin.

Edhe skuadra gjermane Eintracht Frankfurt vazhdon të mbajë interesimin për Imerin i cili duket se në verë është gati ta bëj hapin e madh në karrierë.

Gjithsesi te Servette e din se nuk mund ta mbajnë më shumë në skuadër Imerin dhe i kanë caktuar çmimin e largimit prej gjashtë milionë eurove. /Telegrafi/