Ibrahimovic: Mourinho mund të ia fitojë titullin Unitedit, faji është te grupi i dobët i futbollistëve

Zlatan Ibrahimovic beson se Jose Mourinho mund t’i japë një titull të Ligës Premier, Manchester Unitedit, por ka paralajmëruar se portugezi nuk mund të “bëjë mrekulli” me një forcë kaq të dobët të skuadrës.

Mourinho e ka parë të ardhmen e tij të vënë në pikëpyetje në mënyrë të rregullt këtë sezon dhe është sugjeruar se ai ka humbur besimin e lojtarëve të tij dhe aftësinë për të dhënë rezultate.

Duke u zotuar për një kontratë të re në janar, nuk ka pasur asnjë shenjë se Mourinho do të largohet nga posti i tij.

Lexo po ashtu Shearer mendon se Mourinho është në rrezik të shkarkohet

Ibrahimovic beson se ky është qëndrimi i duhur i drejtuesve pasi sipas tij trajneri portugez është i duhur dhe se faji i rezultateve jo të mira nuk i përket atij.

“Mendoj se ai ka aftësinë për të fituar Ligën Premier”, ka thënë fillimisht Ibrahimovic për The Mirror.

“Mendoj gjithashtu se ai është trajneri i duhur për atë klub, për atë skuadër”.

“Por, një trajner është po aq i mirë sa ekipi i tij, kështu që ai nuk mund të bëjë mrekulli në qoftë se skuadra nuk është mjaft e mirë”.

Lexo po ashtu Një grup lojtarësh janë kundër dhe duan largimin e Mourinhos, Woodward e mbështet portugezin

“Dhe e ndjej që skuadra është e mirë – është duke përparuar, duke u bërë më mirë”.

“Ky është viti i tij i tretë, lojtarët e dinë gjithnjë e më shumë mënyrën se si ai dëshiron të luajë dhe se si ai e dëshiron lojën – kështu që unë besoj, po”, përfundoi suedezi. /Telegrafi/