Hysaj mund të mbetet rezervë te Napoli

Trajneri i Napolit, Maurizio Sarri, ka preferuar që të mbajë në bankën rezervë Elseid Hysajn për sfidën ndaj Palermos duke aktivizuar Christian Maggion, ish-mbrojtësin e përfaqësueses italiane i cili mbeti në hije vitin e kaluar, falë shpërthimit të futbollistit shqiptar.

Por, sipas menaxherit të tij, Massimo Briaschi, kjo situatë do të përsëritet në vazhdimësi, pasi Sarri po planifikon ta aktivizojë italianin më rregullisht, transmeton Panorama Sport.

Lexo po ashtu Mësoni rrogat e shqiptarëve në Serie A

“Christian edhe një herë ka treguar një profesionalizëm të jashtëzakonshëm dhe një dëshirë të madhe për të vazhduar të luajë si lider. Kjo tregon se edhe Sarri është i gatshëm ta hedhë në fushë, nëse ai vazhdon të jetë në formë të mirë fizike e sportive”.

“Mendoj se mund t’i japë shumë Napolit, ai është zëvendës-kapiteni i skuadrës, ndaj një lojtar i rëndësishëm për programet e klubit. Të gjithë e njohin kush është ai, nuk ka nevojë për fjalë të tjera për ta përshkruar”.

“Gjatë verës kishte interesim nga klube të ndryshme, por fjala e fundit i takonte Napolit dhe klubi vendosi që ta mbante. Christian është shumë i lumtur që vazhdon të veshë këtë fanellë dhe do të ketë mundësinë ta bëjë edhe në vazhdim”, ka deklaruar agjenti i mbrojtësit të djathtë.