Humbi në pyjet e Australisë, 48-vjeçarja mbijetoi me një shishe verë për pesë ditë

Një grua 48-vjeçe, e cila humbi në pyjet e Australisë, mbijetoi pesë ditë në shkurre duke ngrënë ëmbëlsira dhe duke pirë verë.

Lillian Ip shkoi në një udhëtim të shkurtër të dielën dhe përfundoi në shkurret e dendura të Victoria, transmeton Telegrafi.

Pasi mori një kthesë të gabuar, ajo hasi në një qorrsokak dhe automjeti i saj u bllokua në baltë.

Pasi kaloi pesë netë e bllokuar në baltë, ajo u gjet të premten nga shërbimet e urgjencës duke fluturuar mbi të si pjesë e një kërkimi.

Lillian, e cila pretendon se normalisht nuk pi, kishte një shishe verë në veturën e saj që planifikoi ta dhuronte.

“Gjëja e parë që më erdhi në mendje ishte ‘ujë dhe cigare'”, tha ajo për 9Neës Australia.

“Faleminderit Zotit që policja që më gjeti më dha një cigare. Mendova se do të vdisja atje. Gjithë trupi im u mbyll të premten”, tha ajo, duke shtuar se “po bëhej gati të hiqte dorë”.

Ndërsa humbi shpresën se do të gjendej e gjallë, ajo i shkroi një letër familjes së saj në të cilën tha se i donte ata.

Lillian u gjet rreth 60 kilometra larg qytetit më të afërt, dhe pasi nuk ishte në gjendje të ecte larg për shkak të problemeve shëndetësore, ajo qëndroi pranë veturës së saj, tha policia e Victoria.

Ajo kishte vetëm disa meze dhe ëmbëlsira me vete, së bashku me një shishe verë dhe pa ujë.

“I vetmi lëng që Lillian, e cila nuk pi, kishte ishte një shishe verë që ajo bleu si dhuratë për nënën e saj, kështu që e nxori jashtë”, tha rreshteri i stacionit të policisë Ëodonga, Martin Torpey.

“Ajo ndoqi mendjen e shëndoshë për të qëndruar me veturën e saj dhe të mos bredhte në shkurre, gjë që ndihmoi policinë ta gjente”, shtoi ai.

Në fund, policia e dërgoi në spital, ku u trajtua për dehidrim, por nuk qëndroi gjatë dhe ndërkohë u kthye në shtëpi në Melburn. /Telegrafi/

See the moment Air Wing located a woman, who was missing for five days in dense bushland.

Yesterday afternoon, Air Wing were conducting a sweep of the hilly terrain when they spotted Lillian’s car at the end of a dirt road in the Mitta Mitta bushland.

🔗 https://t.co/dgjOkkgdY0 pic.twitter.com/DwbaJHLUMn

— Victoria Police (@VictoriaPolice) May 6, 2023