Hudson-Odoi kthehet në stërvitje këtë javë pas arrestimit për përdhunim

Anësori i Chelseat, Callum Hudson-Odoi, do të stërvitet këtë javë nëse del negativ në testin për coronavirus – bëjnë të ditur mediat angleze.

19-vjeçari ishte arrestuar mëngjesin e të dielës me dyshimin për përdhunim. Kjo për faktin se një modele, të cilën e kishte njohur në internet dhe e kishte ftuar në shtëpinë e tij, ishte dërguar në spital.

Policia ishte thirrur me aludimet se ka ndodhur një incident në apartamentin e futbollistit, ku kishte mbërritur edhe një auto-ambulancë. Me atë rast, Hudson-Odoi u arrestua dhe më pas u lirua me garanci.

Futbollisti anglez është raportuar në bazën Cobham të Chelseat të hënën për ta bërë testin e coronavirusit, para se të kthehet në stërvitje gjatë javës me pjesën tjetër të skuadrës.

Lexo po ashtu Zbulohen detaje nga arrestimi i Hudson-Odoit: Ylli i Chelseat dyshohet se ka përdhunuar një modele në banesën e tij në Battersea

Sipas Evening Standard, Blutë presin që ai të përfshihet në seancat stërvitore, në rast se testi për COVID-19 del negativ.

Ka pasur frikë se Hudson-Odoi do të hynte në karantinë pasi i kishte shkelur rregullat e izolimit. Megjithatë, udhëzimet e reja të Qeverisë angleze lidhur me coronavirusin nuk e specifikon izolimin 14 ditor të ndonjë personi që është takuar me dikë që nuk ka simptoma. /Telegrafi/