Hoxhaj i zhgënjyer me mosreagimin e BE-së ndaj deklaratave të kryeministres serbe

Zëvendëskryeministri i Kosovës, Enver Hoxhaj ka shprehur zhgënjimin e tij me Bashkimin Evropian, për mos-reagimin ndaj deklaratave raciste të bëra dje nga kryeministrja e Serbisë, Ana Brnabiç, ndaj popullit të Kosovës.

Kryeministrja e Serbisë, Ana Brnabic në një konferencë të përbashkët për media me ambasadorin e BE-së në Beograd, tha se shqiptarët e Kosovës “janë të dalë nga mali”. Edhe pse pati shumë reagime nga shumë ndërkombëtarë dhe personalitete rajonale, askush nga Bashkimi Evropian nuk bëri ndonjë reagim.

Lexo po ashtu “Janë njerëz të dalë nga mali”: Reagime të ashpra ndaj deklaratës së kryeministres serbe, brenda dhe jashtë Kosovës (Foto/Video)

Hoxhaj tha se është zhgënjyese që BE-ja qëndron dëshmitare e deklaratave të tilla dhe nuk reagon fare. Përmendi edhe faktin që në pakon e zgjerimit të BE-së, Serbia është e renditur në grupin e parë së bashku me Malin e Zi.

Lexo po ashtu Fyerja e shqiptarëve nga kryeministrja serbe, Osmani e quan deklaratë fashiste - thotë se Serbia nuk dëshiron paqe

“Në një konferencë shtypi me Ambasadorin e BE-së kryeministrja e Serbisë, Ana Brnabic bën komente raciste kundër Kosovës. Ajo tha se shqiptarët “janë të dalë nga mali. I zhgënjyer me mosreagimin e BE-së kur shteti që e kanë vendosur në grupin e parë në pakon e zgjerimit përdorë gjujë të tillë ndaj Kosovës”, ka shkruar Hoxhaj në Twitter.

Racist comments by Serbian PM @anabrnabic, in a joint press conf. w/ EU Ambassador. She said the people of Kosovo “literally just emerged from the woods”. Disappointed to see no reaction by @eu_eeas as their frontrunner in the enlargement process uses such language twds. #Kosovo

— Enver Hoxhaj (@Enver_Hoxhaj) May 30, 2019