Hoxhaj takime me biznese: Prizreni do të jetë motor i zhvillimit ekonomik

Zëvendëskryetari i PDK-së, Enver Hoxhaj ka qëndruar në Prizren ku ka vizituar biznese të ndryshme të këtij qyteti të cilat kanë gjeneruar vende të shumta pune për qytetarët e Prizrenit dhe qyteteve përreth.

Hoxhaj ka thënë se mbështetja e bizneseve të vogla dhe të mesme është në qendër të programit për Fillimin e Ri, në mënyrë që këto biznese të bëhen motor i zhvillimit ekonomik të vendit.

Gjatë qëndrimit në Prizren, Hoxhaj ka vizituar Abi Center, një biznes i cili ka hapur shumë vende punë për të rinjtë dhe për grate. Hoxhaj tha se biznese të tilla do të jenë në focus të mbështetjes së Fillimit të Ri.

Po ashtu, Hoxhaj ka qëndruar në disa kompani prodhuese. Ai ka vizituar kompaninë e prodhimit të materialeve shkollore, Vertigo, ku ka takuar drejtorin Afrim Kala.

“Një qendër e mirëfilltë e biznesit, si Abi Center dhe kompania Vertigo, që kanë krijuar numër të madh të vendeve të punës është në fokusin e mbështetjes nga programi për Fillimin e Ri, që Prizreni të bëhet motor i zhvillimit ekonomik”, ka deklaruar Hoxhaj. /Telegrafi/