Hoti: Vetëvendosje po ju bën oferta strukturave të Nismës t’i bashkohen asaj (Video)

Deputeti i Nisma për Kosovën, Enver Hoti ka thënë se Thaçi e Veseli duhet të dalin publikisht të tregojnë se a e ka pas mirë Rugova apo ata të dy në të kundërtën le të dalin t’i tregojnë opinionit për ndasitë që i kanë bërë.

“Nuk jam i befasuar nga z.Thaçi e z.Veseli. Edhe atëherë kur është kundërshtuar Rugova, edhe sot kur po i përulen, të gjitha po bëhen për pushtet”, tha në Rrokum Roll, Hoti.

Sipas tij, kryesuesit e PDK-së po e përdorin Rugovën për me marrë elektoratin e LDK-së, siç tha ai “po shihet që LDK është e shkapërderdhur, e ata po e shfrytëzojnë këtë”.

Për të, PDK përmes Adem Grabovcit, i cili po e kundërshton demarkacionin po mundohet të mbajë elektoratin e saj në Dukagjin.

“Pastaj del e thotë, kështu ka vendosur partia, unë jo. Prandaj, populli duhet të kuptojnë, të votojnë e të penalizojnë”, vlerësoi ai.

Duke akuzuar PDK-në se po bënë lojëra të rrezikshme, Hoti tha se më mirë është mos me ardh në Kuvend, demarkacioni.

“Ka zëra që nuk kanë me votu, por shtrohet pyetja: sa është për tu besuar? Por, siç e dimë ne, qëndrueshmëria e deputetëve të PDK-së e LDK-së është shumë jostabile, kur shkojnë e ju flasin shefat”, tha ai.

Duke kujtuar kohën kur ishin bashkë me VV, e duke thënë se janë prapë bashkë në kundërshtim, Hoti tregoi se VV i ka thirr një nga një strukturat e Nisma-s me shku në VV.

“Më kanë konfirmuar mua personalisht”, theksoi ai.

Ndërsa, për VV-në Hoti e pati këtë porosi: Politika nuk bëhet kështu, bashkimi e projektet e përbashkëta nuk shkojnë kështu.

https://www.youtube.com/watch?v=0khvlufv2ys