I hedhin sprej, e gjuajnë me vezë dhe ia thyejnë telefonin – arrestohen protestuesit që sulmuan gazetaren amerikane derisa po raportonte live

Dy meshkuj janë filmuar duke i hedhur në kokë një lloj spreji një gazetareje, të cilën e sulmuan derisa po raportonte drejtpërdrejtë nga protesta e lëvizjes Black Lives Matter në sheshin Madison në Manhattan.

Tara Anne Szczepanski, 33-vjeçe ishte me kameramanin dhe po raportonte, kur një grup i protestuesve e rrethuan dhe filluan t’i hedhin në kokë një lloj spreji- duke e gjuajtur me vezë dhe në një moment ia  thyejnë telefonin, transmeton Telegrafi.

E pas intervenimit të policisë dhe publikimit të pamjeve, ka reaguar policia duke arrestuar 23-vjeçarin Saqunn Jackson nga Universitetit Heights nën akuzën për sulm fizik.

Attacked at a #BLM #Antifa #NyC rally, smashed egg in my head, hit with umbrella, spat on, knocked with a skateboard as the crowd says don’t protect her she’s for Trump. pic.twitter.com/hpSTdIaZt2

— Tara “PoAm” Szczepanski (@TaraPoAm) January 10, 2021

Gjithashtu në pranga ka përfunduar edhe 20-vjeçari Juarde Benn, i cili besohet të ketë lidhje me këtë sulm që u shpërnda në rrjetet sociale.

E gazetarja Szczepanski që më parë kishte marrë pjesë në garat e bukurisë, e ka përshkruar veten në LinkedIn si reporterë e pavarur. /Telegrafi/