Liga Premier ka zgjedhur Eden Hazardin e Chelseat si lojtarin më të mirë të muajit shtator.
Gjatë muajit shtator janë zhvilluar gjithsej katër ndeshje në Ligën Premier.
Shumica e ndeshjeve kanë qenë me rezultate të pritshme, por ka pasur edhe befasi.
Shumë futbollistë kanë treguar formë të lartë duke qenë vendimtar në rezultatet e ekipeve të tyre.
Megjithatë, më vendimtari ka dalë të jetë ylli belg i Chelseat, Hazard.
Hazard është zgjedhur si lojtari më i mirë i muajit shtator në Ligën Premier, pasi ka ndihmuar Blutë të arrijnë dy fitore e dy barazime në katër ndeshje.
Në aspektin individual, Hazard ka arritur ta tund rrjetën në plotë pesë raste në këto katër ndeshje.
Në anën tjetër, trajneri më i mirë i muajit i zgjedh ai i Wolvesit, Nuno Espirito Santo, ndërsa goli më i mirë ai i Daniel Sturridge ndaj Chelseat. /Telegrafi/
