LAJMI I FUNDIT:

Haradinaj: Politikat ekonomike në vend janë afër prodhuesve dhe i favorizojnë prodhuesit vendorë

Haradinaj: Politikat ekonomike në vend janë afër prodhuesve dhe i favorizojnë prodhuesit vendorë

Kryeministri në detyrë i Kosovës, Ramush Haradinaj mori sot pjesë në hapjen e fabrikës për prodhimin e gotave të letrës “BELUX Paper Cups” në Bardhosh të Prishtinës.

Me këtë rast, kryeministri në detyrë Haradinaj, tha se i vjen mirë që sot janë bashkuar për një sukses ekonomik të familjes Arifi, e që janë njerëz shumë punëtorë.

“Duke qenë dëshmitar dhe duke e përcjell nga afër rritjen e biznesit të Arbenit, jam mjaftë i gëzuar se po kalojmë në një etapë të re, në prodhim “BELUX Paper Cups”, pra sot po ndodh, është realitet këtu në Bradhosh dhe është rezultat i punës së mundimshme, jo të lehtë,  sfiudese, por edhe të suksesshme. Është një investim mbi 1 milion e gjysmë, janë deri tash 70 të punësuar dhe parashihet edhe 30 të tjerë”, u shpreh kryeministri në detyrë, Haradinaj.


Ndër tjerash, kryeministri në detyrë Haradinaj tha se i falënderon të gjithë ata që nën udhëheqjen e Arbenit, kanë punuar dhe kontribuar që ky biznes të jetë i suksesshëm, të gjithë partnerët e këtij biznesi që janë vendor, pa të cilët Arbeni e kjo kompani nuk do ta kishin suksesin e sotëm, por njëkohësisht falënderoi edhe partnerët e tjerë, ata nga Greqia që ishin prezent në hapje të fabrikës.

“Mund të them se në Kosovë politikat fiskale janë në favor të sipërmarrësve, iu lejon hapësirë dhe mundësi krijimi të vlerës së shtuar, jo të profitit, por mundësisë investuese. Politikat fiskale dhe në përgjithësi politikat ekonomike në vend janë afër prodhuesve dhe i favorizojnë prodhuesit”, theksoi kryeministri në detyrë Haradinaj.

Po ashtu, kryeministri në detyrë Haradinaj, veçoi se para pak ditësh patën nderin të finalizojnë investimin e parë strategjik në Kosovë në bazë të ligjeve tona, SOWI Kosovo, një Park me Erë në energji, Parku i Shalës së Bajgorës, investim prej 170 milionë euro, pra është energji e ripërtëritshme, në harmoni me ambientin, që njëkohësisht është edhe një porosi për investitorët se Kosova është vend interesant për investim për investitorët e vendit, por edhe për partnerët investiv ndërkombëtar.

Drejtori i kompanisë ERC Trade, Arben Arifi, tha se është një ditë e madhe dhe emocion i veçantë që pas shumë dekadash punë e përkushtim sot janë mbledhur të gjithë bashkë për të shënuar këtë ngjarje shumë speciale për ta.  /Telegrafi/

Në trend Ekonomi

Më shumë
Filloi fushata

Filloi fushata "Super Vendore" në Super Viva - në mbështetje të produkteve vendore

Ekonomi
Festoni Pavarësinë e Kosovës në Grand Blue Fafa Resort & Spa

Festoni Pavarësinë e Kosovës në Grand Blue Fafa Resort & Spa

Ekonomi
Telegrafi Jobs - Ku ëndrrat profesionale bëhen realitet!

Telegrafi Jobs - Ku ëndrrat profesionale bëhen realitet!

Ekonomi

"KOSOVA BOJKOTON", një numër i madh i qytetarëve i bashkohen iniciativës për bojkot të maketeve sot dhe nesër

Ekonomi
Wolt sjell surpriza me aktivizimin e dhuratave për ditën e Shën Valentinit, tani i disponueshëm globalisht dhe për konsumatorët në Kosovë

Wolt sjell surpriza me aktivizimin e dhuratave për ditën e Shën Valentinit, tani i disponueshëm globalisht dhe për konsumatorët në Kosovë

Ekonomi
Bizneset kërkojnë heqjen e tarifës për pagesat elektronike me POS, ja çfarë thonë nga BQK-ja?

Bizneset kërkojnë heqjen e tarifës për pagesat elektronike me POS, ja çfarë thonë nga BQK-ja?

Ekonomi
Kalo në kategori