Hapen hapësirat e reja të Ambasadës së Sllovenisë në Maqedoni

Ministrat e Punëve të Jashtme të Sllovenisë dhe të Maqedonisë, Miro Cerar dhe Nikolla Dimitrov bashkërisht me ambasadorin e Sllovenisë në vend Milan Jazbec, sot në mënyrë solemne hapën hapësirat e reja të Ambasadës së Republikës së Sllovenisë në Shkup.

Shefi i diplomacisë së Maqedonisë në fjalimin e tij theksoi se Maqedonia nga Sllovenia ka mjaft për të mësuar, sepse ka model të suksesshëm ku Maqedonia do të përpiqet, për shkak se dëshiron të jetë pjesë e NATO-s dhe BE-së me demokraci evropiane, përcjell Telegrafi Maqedoni.

“Kjo nuk do të jetë lehtë, por do ta bëjmë. Rruga nuk është e lehtë, në secilin rrugëtim është më lehtë kur miqtë janë me ne. Kjo është rast special dhe këto janë hapësira më të mëdha të Ambasadës. Do të përpiqemi që edhe miqësinë tonë ta bëjmë më të madhe nëse kjo është e mundur”, tha Dimitrov.

Lexo po ashtu Cerar: Sllovenia do të mbështet Maqedoninë në rrugën euroatlantike

Ministri i Sllovenisë, Cerar theksoi se me kënaqësi dëgjon se Sllovenia shërben si shembull për Maqedoninë në fusha të ndryshme, por ceku se Qeveria e Maqedonisë me aktivitet e veta në vitin e fundit dhe me të gjitha aspektet që i bën për të siguruar gjeneratat e tashme dhe të ardhme të kenë jetë më të mirë dhe të bëhen pjesë e BE-së.

‘Shpresoj se ky proces do të jetë i suksesshëm, për këtë shkak jemi këtu të shprehim përkrahjen tonë të plotë për ndryshimet kushtetuese dhe përpjekjet e aktiviteteve drejt jetesës së re në vendin tuaj në harmoni me familjen evropiane. Do të propozojmë të ju përkrahim në BE dhe në të gjitha mënyrat tjera”, theksoi ministri Cerar./Telegrafi/