Guardiola: Aguero duhet ta dëshmojë se meriton të vazhdojë me Cityn

Pep Guardiola thotë se të gjithë duhet të dëshmojnë se meritojnë të vazhdojnë me Manchester Cityn, duke përfshirë edhe Sergio Agueron, i cili ka kontratë me klubin vetëm deri në fund të sezonit.

Në fitoren ndaj Arsenalit (1-0), argjentinasi regjistroi paraqitjen e parë pas katër muajsh, pasi kishte munguar për shkak të lëndimit të gjurit.

Nga klubi kanë thënë se janë të qetë lidhur me situatën e kontratës së Agueros, por edhe të Guardiolas që po ashtu është i lidhur me Citizens deri në fund të këtij sezoni.

“E rëndësishme është që Sergio të kthehet në gjendje të mirë fizike, të fillojë të gjejë ritmin e itj, të mos lëndohet më shumë dhe të luajë mirë”.

“E dimë çfarë rëndësie ka për ne, e dimë sa e vlerësojmë, por tash ai duhet ta dëshmojë, si të gjithë ne, unë në radhë të parë, se e meritojmë të vazhdojmë këtu, të luajmë mirë dhe t’i fitojmë ndeshjet”.

“Pastaj, klubi dhe unë do të vendosim, por kur luan në nivelin e tij dhe ne nuk kemi dyshime, atëherë do të qëndrojë derisa vendos (të largohet), sepse është unik…”, është shprehur trajneri në një konferencën për shtyp. /Telegrafi/