Google Maps ka punuar me partnerët e stacioneve të karikimit të veturave elektrike në SHBA dhe Mbretërinë e Bashkuar për tre vitet e fundit.
Kompania tani po e zgjeron shërbimin në shumicën e vendeve me mbulesa dhe vjen me filtra të dobishëm për shpejtësinë e karikimit dhe llojin e prizave, duke përfshirë mundësinë që ju të vendosni preferencat personale.
Ky funksion tani është i disponueshëm në aplikacionet Android dhe iOS. Funksioni i ri jep informacion nëse stacionet e karikimit janë aktualisht falas, megjithëse varet nga tregu dhe disa vende do të marrin më pak detaje, raporton Arena EV, transmeton Telegrafi.
Filtrat e rinj janë pjesë e një përditësimi të madh të Google Maps pikërisht në kohën e festave të fundvitit.
Platforma do të ofrojë Live View në qytete të zgjedhura – pra, në thelb kërkon biznese ndërsa aplikacioni është duke eksploruar qytetin përmes kamerës dhe më pas jep udhëzime me fuqi AR.
Bizneset në të cilat ka qasje edhe nga karriget me rrota mund të gjenden gjithashtu me një ndryshim të thjeshtë të veçorisë së Qasjes në Cilësimet e aplikacionit. /Telegrafi/
