Gjukanoviq pas tërheqjes nga kreu i DPS: Mali i Zi po shkon drejt nacionalizmit serbomadh

Presidenti në largim i Malit të Zi, Milo Gjukanoviq dha dorëheqje nga udhëheqja e Partisë Demokratike të Socialistëve (DPS).

Ai me këtë rast deklaroi se Mali i Zi po shkon rrugës së nacionalizmit serbomadh.

“Ne besojmë se e udhëhoqëm Malin e Zi në një kohë kur po shtrihej në segmente të reja të orientimit të vlerave të shoqërisë malazeze…. Ne jemi krenarë për këtë. Ne besojmë se sistemi ynë i vlerave është superior dhe se shoqëria malazeze ka të drejtë të bëjë lëvizje sezonale, siç ndodh pas 30 gushtit. Mali i Zi po nxiton rrugëtimin drejt nacionalizmit serbomadh. Por ne e kuptojmë se në jetën e shoqërisë dhe njeriut, ciklet janë të mundshme, disa më të mira, disa më këqija. Ne duhet të jemi këmbëngulës në arritjen e rëndësisë shtetërore-politike”, tha Gjukanoviq.

Lexo po ashtu Pas 25 vitesh, Milo Gjukanoviq jep dorëheqje nga posti i kryetarit të DPS-së

Ai thekson se nuk ka alternativë serioze në skenë ndaj asaj që ka treguar DPS, por se respektojnë vendimin e qytetarëve, raporton nova.

“Ne ndërmorëm një hap të ri duke vendosur të tërhiqem nga posti i presidentit pas njëzet e pesë vjetësh të menaxhimit të partisë, për të cilën jam krenar. Nuk është suksesi im, por suksesi i asaj politike që e personifikova”, tha presidenti malazez.

Ndryshe, Gjukanoviq pësoi gjatë fundjavës së kaluar nga kandidati i mbështetur nga Serbia, Janko Milatoviq. /Telegrafi/