Klubi nikoqir i derbit të zjarrtë lokal, Gjilani ka zbuluar çmimet e biletave për ndeshjen e madhe ndaj Dritës.
Gjilani dhe Drita do të luajnë mes vete në derbin e tretë të këtij sezoni në Ipko Superligën e Kosovës.
Pas më shumë se 15 viteve, nuk do të zhvillohet në Gjilan, por në stadiumin e kryeqytetit 'Fadil Vokrri'.
Interesimi për këtë ndeshje pritet të jetë i madh në stadiumin modern në Prishtinë dhe tanimë klubi nikoqir, Gjilani ka zbuluar çmimet e biletave.
Më poshtë e keni njoftimin pa ndërhyrje të Gjilanit: Më poshtë i gjeni çmimet e biletave në të gjitha sektoret e stadiumit. Ju informojmë se sektori i Veriut ju takon tifozëve të Gjilanit, "Skifterave", kurse sektori i Jugut atyre të Dritës,"Intelektualëve".Biletat mund të blihen para çdo hyrje të stadiumit. VIP=15 Euro Përëndim=6 Euro Lindje=5 Euro Jug=3 Euro Veri=3 Euro /Telegrafi/
