Gjendje e tensionuar nё kufirin greko-turk

Qeveria gjermane ka reaguar  pas deklaratave tё presidentit turk, pёr hapjen e kufijve pёr refugjatёt, ndërsa po përpiqet të ndalojë hyrjen e tyre.

Situata nё kufirin greko-turk ёshtё tensionuar në masë të madhe, ndërsa autoritetet greke po kёrkojnë tё ndalin patjetёr migrantёt qё po vijnё nga Turqia.

“Qeveria ёshtё e vendosur tё bёjё gjithçka pёr tё mbrojtur kufijtё”, ka thënë zёdhёnёsi i qeverisё, Stelios Petsas. Nё 24 orёt e fundit, autoritetet greke kanё numёruar 4000 persona qё kanё bёrё pёrpjekje pёr tё kaluar kufirin e hyrё nё Greqi.

Sipas Stelios nё kufi u zhvillua “njё sulm i organizuar ilegal masiv”. Policёt grekё dhe mijёra migrantё janё pёrplasur ashpёr nё kufirin greko-turk nё Pazarkule.

Pamjet e televizionit grek, Skai tregonin se si policia greke pёrdorte gazin lotsjellёs kundёr migrantёve, qё hidhnin gurё nga ana turke e kufirit.

Agjencia Reuters ka bёrё tё ditur, se sipas informacioneve nga burime tё saj, Turqia ka vendosur qё tё mos i ndalё mё refugjatёt qё kanё marrё rrugёn drejt Europёs pёrmes rrugёs tokёsore ose detare.

Derisa agjencia e lajmeve, AFP ka bёrё tё ditur se presidenti turk, Erdogan nё Stamboll ёshtё shprehur, se pavarёsisht ujdive me BE pёr refugjatёt, do t’i lejojё ata qё kalojnё kufirin nё Bullgari dhe Greqi.

“Ne i kemi hapur portat”, citohet nga mediat Erdogan qё ka akuzuar BE,se nuk i ёshtё pёrmbajtur marrёveshjes sё refugjatёve.

Sipas Erdoganit 18.000 refugjatё janё ndёrkohё qё nga e premtja nё kufijtё e Turqisё me BE. Erdogan theksoi, se “vendi i tij nuk e pёrballon dot mё njё valё refugjatёsh“. Sipas presidentit turk, numri i refugjatёve mund tё shkojё deri nё 30.000 vetё gjatё fundjavёs. /DW/