Getinjo flet për videon e shumëpërfolur me vajzën që ia preku të pasmet në diskotekë, teksa mohon të ketë pasur histori dashurie me Kejvinën

Reperi i njohur, Getinjo, ka qenë së fundmi i ftuar në emisionin “Prive”, ku ka rrëfyer shumëçka nga jeta dhe karriera e tij.

Ai bëri të ditur se target e ka tregun gjerman të muzikës pasi tash e sa kohë po bën një jetë mes Zvicrës dhe Kosovës, mirëpo gjithsesi nuk do të mungojnë edhe projektet muzikore në shqip.

Ndërkohë sa i përket jetës private, Getinjo iu përgjigj aludimeve për një histori dashure të mundshme me modelen e shumë përfolur, Kejvina Kthella.

Ai mohoi që të ketë diçka mes tyre, duke thënë se si thashethem lindi nga një pëlqim në rrjetet sociale, teksa theksoi se vazhdon të mbetet beqar.

Lexo po ashtu Të gjitha lajmet nga Estrada Shqiptare

“Jo jo, unë nuk jam në lidhje me asnjë femër, qoftë fytyra publike apo edhe fytyrat normale. Po unë jam njeri që i pëlqej fotot e femrave në Instagram, jo në kuptimin e ngacmimit, por kur shoh diçka të mirë ia shprehi”, tregoi ai.

Reperi nga Ferizaj gjithashtu foli edhe për videon e shumë përfolur, ku ai u incizua në diskotekë duke prekur të pasmet e një femre.

“U bë e madhe ajo video, e tepërt. Ishim në klub nate, unë isha në skenë dhe duke dal nga skena po kaloja andej dhe më doli, e preka për t’i thënë largohu. Ia preka pak prapanicën, por nuk e preka me atë qëllim. Nuk është ndonjë problem për mua se jam beqar. Por u bë e madhe ndërkohë që unë nuk e njoh atë vajzë lozonjare”, u shpreh Getinjo. /Telegrafi/