Gerrard në stilin e një agjenti, thotë se do të merrej personalisht me transferimin e Bellingham te Liverpooli

Legjenda e Liverpoolit, Steven Gerrard do të ishte i lumtur të përfshihej personalisht në transferimin e objektivit afatgjatë të Liverpoolit, Jude Bellingham.

Reds kanë nevojë për përforcime në mesfushë për shkak të mungesës së investimeve në vitet e fundit. Ata nuk kanë nënshkruar me asnjë mesfushor qendror të ekipit të parë që nga Thiago Alcantara në vitin 2020.

Arthur Melo erdhi nga Juventusi si huazim për një sezon verën e kaluar, por koha e tij në Merseyside është e gjitha nën lëndime.

Nuk është sekret që menaxheri Jurgen Klopp është një tifoz i madh i sensacionit të Borussia Dortmund, Bellingham. 19-vjeçari luajti çdo minutë këtë sezon me Dortmund para pushimit të Kupës së Botës.

Ai më pas bëri përshtypje me Anglinë në Kupën e Botës, duke shënuar në fitoren 6-2 ndaj Iranit dhe duke drejtuar shfaqjen në një triumf 3-0 ndaj Senegalit në raundin e 16-të.

Transferimi i Bellingham nga Signal Iduna Park gjatë verës do të kushtonte shumë, pasi përveç Liverpoolit interesim kanë shprehur edhe klube tjera si Real Madrid, Manchester City dhe Manchester United.

Gerrard është i etur të shohë Bellinghamin në Anfield dhe të sjellë një epokë të re suksesi. Përpara ndeshjes së Liverpoolit kundër Chelseat sot (e shtunë) pasdite, ai madje pretendoi se do të ishte i lumtur të përfshihej në negociata.

Lexo po ashtu Bellingham nxit spekulimet e transferimit duke nënshkruar fanellën e Real Madridit

“Gjithçka që duhet të bëjë është të më dërgojë një datë të lirë nga ditari i tij. Unë do të fluturoj personalisht për në Dortmund, do ta nxjerr për një darkë të këndshme dhe do të flasim për këtë”, ka thënë Gerrard.

Komentet e Gerrard-it janë bërë virale në rrjetet sociale dhe tifozët besojnë se Gerrard po punon më shumë për një transferim të mundshëm se kushdo i përfshirë në ekipin e rekrutimit të Liverpoolit. /Telegrafi/