Gattuso pritet të luajë me formacionin më të fortë ndaj Olympiakosit

Milani do të luajë sot (e enjte) një ndeshje shumë të rëndësishme në kuadër të Ligës së Evropës ndaj Olympiakosit.

Rossonerët janë mysafirë të ekipit grek në ndeshjen e fundit të vlefshme për Grupin F në Ligën e Evropës, ndeshja e cila fillon nga ora 21:00.

Ky takim pritet të jetë vendimtar për kualifikimin tutje të njërës apo tjetrës skuadër.

Lexo po ashtu Në mbrëmje zhvillohen ndeshjet e fundit për grupet e Ligës së Evropës

Gennaro Gattuso mendohet se nuk do t’ia lë asnjë rast fatit me kualifikimin e Milanit, pasi pritet të emërojë një ekip të fortë për t’u përballur me Olympiakosin.

Rossonerët kanë nevojë vetëm për një barazim në Greqi për të siguruar vendin e tyre në raundet e eliminuara, por trajneri nuk pritet të bëjë rotacion në formacion.

Pepe Reina do të zëvendësojë Gigio Donnarumma në gol, siç ka bërë në të gjitha ndeshjet evropiane deri më tani, por Patrick Cutrone dhe Gonzalo Higuain pritet të jenë titullarë.

Lexo po ashtu Gattuso: Ndeshje e vështirë, duhet të kemi respekt për Olympiacosin

Samu Castillejo mendohet se do të fillojë në të djathtë në formacionin 4-4-2 me Hakan Calhanoglu në anën tjetër dhe Franck Kessie dhe Tiemoue Bakayoko në mes.

Formacioni i mundshëm i Milanit: Reina; Calabria, Abate, Zapata, Rodriguez; Castillejo, Kessie, Bakayoko, Calhanoglu; Cutrone, Higuain

/Telegrafi/