Gattuso: Higuain nuk ka kërkuar të largohet

Trajneri i Milanit, Gennaro Gattuso, ka pohuar se Gonzalo Higuain nuk i ka thënë asnjëherë se dëshiron të largohet nga San Siro.

Sulmuesi argjentinas është te Rossonerët në kuadër të një marrëveshjeje huazimi nga Juventusi, e cila pritet të finalizohet me blerjen e përhershme, mirëpo në javët e fundit Chelsea ka shprehur interesim për shërbimet e tij.

Madje është thënë se 31-vjeçari nuk do të përfshihet në ndeshjen e Superkupës së Italisë (që zhvillohet të mërkurën), sepse është duke e finalizuar kalimin e tij në Ligën Premier.

Lexo po ashtu Lajmet për Gonzalo Higuain

“Vendimet e mia i bazoj në mënyrën si stërviten lojtarët gjatë javës dhe si angazhohen me stafin dhe me bashkëlojtarët”.

“Tash për tash, më duhet t’i përsëris fjalët e njëjta: Ka shumë thashetheme, por Higuaini po stërvitet mirë, po punon me të gjithë dhe është në dispozicionin tonë”.

“Nesër (e mërkurë) do të shohim nëse do të luajë ose jo. Ai duhet të vendosë se çfarë do të bëjë, si ta zgjidhë këtë çështje, por tash për tash po stërvitet me profesionalizëm të madh. Do të shohim”.

“Nëse luan, është për shkak se unë mendoj se është në formë të mirë dhe i relaksuar. Ose është aktor i mirë ose është vërtet me këtë skuadër, ai flet vazhdimisht dhe bën shaka me bashkëlojtarët”, është shprehur Gattuso në një konferencë për shtyp. /Telegrafi/