Gashi publikon një pjesë të shkrimit nga ‘New York Times’: Nuk e dini sa e vështirë është që prindërit shqiptarë të jenë krenarë

Ditë më parë, një ndër gazetat më të mëdha në Amerikë, “New York Times” i dedikoi një artikull rap-artistit të njohur shqiptar, Gashi.

Nën titullin “Gashi, biri i refugjatëve kosovarë, tani një “Phill Collins” i trap-it (zhanër muzikor)”, gazeta prestigjioze njujorkeze i ka dedikuar një artikull të veçantë djalit, që karrierën e kishte nisur ndryshe.

https://www.instagram.com/p/Bv9iZ7_l1OR/?utm_source=ig_embed

“Disa vjet më parë, reperi në rritje ishte një roje. Tani ai ka miliona dëgjues në SoundCloud dhe një kontratë me RCA Records”, nis shkrimin e saj “New York Times”.

Ka qenë pikërisht kjo pjesë e artikullit, të cilin reperi ka vendosur ta ndajë me ndjekësit në rrjetin social Instagram, ku ka shkruar në mbishkrimin e saj se më në fund ka arritur t’i bëjë prindërit krenarë, pavarësisht se ishte shumë e vështirë.

https://www.instagram.com/p/BwDDivhlrH9/

“Ju të gjithë nuk e kuptoni se sa e vështirë është t’i bësh krenarë prindërit shqiptarë. Faleminderit Zot”, ka shkruar Gashi në Instagram. /Telegrafi/