Gashi i përgjigjet LVV-së: Selmanaj do të jetë prezent në seanca, sjellja juaj ishte e dhunshme

Shefi i Grupit Parlamentar të LDK-së, Arben Gashi e ka quajtur veprim të dhunshëm, sjelljen e deputetëve të LVV-së të cilët kundërshtuan prezencën e zëvendëskryeministrit, Driton Selmanaj në seancën e Kuvendit.

Ai shtoi se Selmanaj do të marrë pjesë në seanca të Kuvendit, pavarësisht se LVV-ja ka thënë se nuk do të lejojë që të njëjtat të mbahen në prezencën e tij.

Lexo po ashtu Vetëvendosje thotë se nuk do të lejojnë të mbahen seancat sa herë që në sallë është Driton Selmanaj

“Ajo që ne kemi parë sot është sjellje arbitrare, me potencial dhune , e dënueshme dhe jo demokratike. Por ne këtu jem, dhe nuk do të lejojmë në asnjë formë që vullneti i qytetarëve dhe vullneti demokratik të shkelet me veprime të dhunshme. LVV është duke tentuar të imponojnë vlerësimet e tyre subjektive mbi Kuvendin e Kosovës”, ka thënë Gashi.

Ai ka shtuar nëse LVV-ja vlerëson apo kushdo tjetër se Qeveria është e gabueshme, Kushtetua i parasheh mekanizmat demokratik sic është mocioni i mosbesimit.

“Nëse janë shumicë ata që mendojnë që kjo Qeveri është e gabuar, nëse janë shumicë ata që mendojnë se ky zv.kryeministër nuk duhet të vijë në Kuvend e marrin një mocion e votojnë shkarkimin e zv.kryeministrit dhe automatikisht nuk e lejon me hy brenda seancës protokolli e policia”, ka thënë Gashi. /Telegrafi/