Nuk ka vonuar edhe goli i dytë i Liverpoolit kundër Real Madridit në Anfield Road në ndeshjen e parë të 1/8 së finales në Ligën e Kampionëve.
Sfida nuk ka nisur aspak mirë për Los Blancos, të cilët brenda 14 minutash pranuan dy gola.
Fillimisht, ishte Darwin Nunez lojtari që e zhbllokoi rezultatin me një gol të bukur me thembër (4’), pas asistimit nga Mohamed Salah.
(Foto: Screenshot/CBS Sports)
Ndërsa egjiptiani vazhdoi të shfaqej i rrezikshëm dhe ishte në vendin e duhur për ta dyfishuar epërsinë.
Portieri i Realit, Thibaut Courtois, bëri një gafë pasi e pranoi një top duke e dorëzuar në këmbët e Mohamed Salah dhe ai e dërgoi në rrjetë (14’).
(Foto: Screenshot/CBS Sports)
Mirëpo, Vinicius Junior u kujdes që Madridi të rikthehej në lojë (21’). Pas kombinimeve me Karim Benzeman, braziliani u tregua i saktë për ta ngushtuar rezultatin. /Telegrafi/
https://twitter.com/CristianoTalk/status/1628128918178828309
